Tíðindi

07. mai 2021

Qodio yvirtekur partar av Krea

Krea fer nú at miðsavna um intranet-skipanina, og kemur nú at eita Intra 

KT-fyritøkan Qodio á Strondum hevur yvirtikið ein part av virkseminum hjá fyritøkuni Krea í Runavík. Talan er um virksemið innan sniðgeving og heimasíður.

Tað boðar Krea frá í tíðindaskrivi í dag.

Krea byrjaði sítt virksemi í 2003, og hevur ment seg hesi 18 árini, sum ein heildarveitari innan sniðgeving og menning av heimasíðum. 

Seinastu fimm árini hevur fyritøkan eisini ment IntraKrea, ið er ein intranet loysn, sum áleið 100 fyritøkur, stovnar og handlar brúka - bæði í Føroyum og Grønlandi.

Fyri betur at miðsavna seg um intranetið kemur kemur IntraKrea at halda áfram í felagnum hjá brøðrunum Jaspur og Reimund Langgaard, sum nú kemur at eita Intra. 

- Qodio yvirtekur Krea og virksemi innan sniðgeving og heimasíður. Krea hevur gott samstarv og stórt álit á Qodio og stjóran. Jógvan Andersen. Krea er sannført um, at bæði starvsfólk og kundar koma í góðar og tryggar hendur við hesum broytingum, skrivar Jaspur Langgaard í tíðindaskrivinum.

Skrivstovurnar hjá Qodio verða á Strondum og í Klaksvík, meðan Intra heldur fram í Runavík. 

kelda: www.portal.fo

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
14. jun 2021
Kommunustýrisfundur 14.06.2021
14. jun 2021
Nýggj hús reist við Nónvarða
13. jun 2021
Svimjihylu­rin á Strondum - broyting í skránni
13. jun 2021
Lítlifløttur stongdur frá mánadeg­num 14. juni orsakað av arbeiðsteðgi hjá Føroya Pedagog­felag
10. jun 2021
Fornminnis­savnið opið hvønn sunnudag í juni-juli-august
10. jun 2021
Søkt verður eftir námsfrøðingum til Lítlafløtt
09. jun 2021
Kommunustýrisfundur 14. juni
09. jun 2021
Fíggjar­nevndarfundur 08.06.2021
Send fyrispurning