Stranda Musikkskúli

Stranda Musikkskúli

Nú nýtt skúlaár er byrjað, verður aftur møguleiki hjá børnum og ungum í Sjóvar kommunu í aldrinum 6-25 ár at melda seg til at leika á ymisk ljóðføri í Stranda musikkskúla.

Spælast kann á hesi ljóðføri:

  • Tvørfloyta
  • Klarinett
  • Guitar
  • Klaver/orgul

Tey, sum hava verið knýtt at Stranda musikkskúla seinasta skúlaár, eru sjálvvirkandi tilmeldað og hava fyrsta rætt til tey pláss, sum eru í skipanini.

Um eingi tøk pláss eru til valda ljóðførið, kemur umsøkjarin á bíðilista til fyrstvalda ljóðførið. Bíðilisti er longu nú til ávís ljóðføri.

Í Stranda musikkskúla fær hvør næmingur undirvísing í 9 mánaðir frá fyrst í september til síðst í mai. Undirvíst verður í skúlatíðini eina ferð um vikuna einar 20 – 30 minuttir. Tá tað bert verður undirvíst eina ferð um vikuna, krevur hetta, at næmingurin venur rættiliga nógv heima!

Kostnaður er 1.200 krónur um árið. Tit fáa rokning sendandi – frítíðarkortið kann nýtast at galda fyri musikkskúlan. Eisini kann næmingurin rokna við at skula gjalda fyri undirvísingartilfar – frítíðarkortið kann ikki nýtast til at gjalda fyri undirvísingartilfar.

Tað verður kravt, at næmingurin luttekur í tveimum almennum konsertum. Tann fyrra verður fyri jól og hin seinna einaferð í mai mánað.

Um barn tykkara ynskir at læra at leika á eitt ljóðføri, verða tit biðin um at útfylla "tilmeldingarblaðið til Stranda musikkskúla 2020-2021" og senda tað til bardur@sjovar.fo ella lata tað inn á kommunuskrivstovuni á Strondum. Kommunuskrivstovan er opin yrkadagar frá kl. 08.30-12.00. Uttanfyri hesar tíðir kann seðilin leggjast í postkassan hjá kommunuskrivstovuni.

Øll, sum melda seg til musikkskúlan innan fríggjadagin 4. september 2020, verða viðgjørd á jøvnum føti; tað vil siga, at tað er líka mikið, hvør meldar seg fyrst. Aftaná 4. september verða tilmeldingarnar skrásettar, so hvørt tær verða móttiknar.

 

Tilmeldingarblað til Stranda musikkskúla 2020-2021.pdf


Sí heimasíðuna hjá Føroya musikkskúla

 

 

Leiðari í Stranda musikkskúla er Bárður Danielsen

tlf. 23 27 25

teldupostur: bardur@sjovar.fo

Send fyrispurning