Byggiloyvi

Byggiloyvi

Í faldaranum "Vegleiðing áðrenn tú søkir byggiloyvi" eru dømi um tær tekningar, sum í minsta lagi skulu gerast saman við umsóknini og latast inn til byggimynduleikan hjá Sjóvar kommunu tá søkt verður um byggiloyvi.

Krøv til umsóknir

1. Farið kann ikki verða undir arbeiði, at grava út fyri grundstykki ella at byggja hús á verandi grundstykki, uttan skrivligt byggiloyvi. 

2. Allar útstykkingar- og byggiumsóknir, her uppií umsóknir um at grava fyri grund til møguligar spreingingar, meiri týðandi broytingar, eitt nú at broyta skap og konstruktiónir, taka niður hús, vega-, kloakk- og frárenningararbeiði, skulu um kommunustýrið verða sendar byggifulltrúanum.

3. Umsókn skal vera skrivlig, og hjálagdar henni skulu vera tær tekningar og aðrar upplýsingar, ið neyðugar eru til greitt at skilja málið og til holla avgerð av tí umsøkta.

4. Allar tekningar, frágreiðingar, útrokningar o.t. fylgiskjøl hjá byggiumsókn skulu vera dagfest, hava matr. nr. á ognini og hann, ið uppsett tey hevur, skal skriva undir í høgra horni. Hesin hevur ábyrgd av, at tey eru fullgóð.

5. Byggifulltrúin kann skipa fyri, at stakprojektering saman við útrokningum skulu vera til taks og innsendar til góðkenningar, áðrenn farið verður undir bygging.

6. Umsóknir við tekningum, frágreiðingum og onnur fylgiskjøl skulu hava allar upplýsingar, sum neyðugar eru fyri greitt at skilja og fáa avgjørt tað, sum søkt er um.

7. Umsøkjarin hevur sjálvur ábyrgd av, at allar lógir verða fylgdar viðvíkjandi tí, ið søkt verður um, so sum krøv sambært bygningskunngerðini BK17 og frá Brunaumsjón Landsins, servituttir, byggisamtyktir v.m..

Umsókn um byggiloyvi skal sendast til:

Sjóvar kommuna
Skúlavegur 10
490  Strendur

ella við telduposti á: sjk@sjovar.fo

 

Send fyrispurning