Frítíð

Pensjonistafelagið á Strondum

Pensjonistafelagið varð stovnað 1986.

Pensjonistafelagið hevur eitt sera snotuligt og hugnaligt hús, sum varð tikið í nýtslu í 1992 - hetta hús verður nógv brúkt.

Mána- og mikukvøld kl. 19.30 er bingo í húsinum, og týs- og hósdagar kl. 15-18 er hugnaløta við kortspæli og binding.

Einaferð um árið verður farið útferð, hesar ferðir eru bæði innan- og uttanlands.

Tey hava eisini jólahugna og einaferð um árið ræstkjøtaveitslu.

Nevndin í pensjonistafelagnum er

  • Petur Jákupsson, formaður og skrivari
  • Sigrun Danielsen, næstforkvinna og kassameistari
  • Súsanna Nilssen, nevndarlimur
  • Marjun Danielsen, nevndarlimur
  • Jóhan Karl Djurhuus, nevndarlimur

Eykalimir:

  • Samson Johansen
  • Martin Rasmussen
Skótalið Heini Havreki

Skótaliðið Heini Havreki varð sett á stovn 24. oktober 2024.

Skótarnir halda til í kjallaranum í Heilsumiðstøðini, Fløtuvegur 1, 490 Strendur.

Samband

Facebook-síðan hjá skótaliðnum

Tlf.: 594838

Stranda Kvøldskúli

Hvønn vetur bjóðar Stranda kvøldskúli ungum sum eldri fleiri fjølbroytt og spennandi skeið. Undirvíst verður frá heystinum og út á várið.

Til ber at melda seg til hesi skeið um heysti. Kunnað verður við hvørjar lærugreinar kvøldskúlin bjóðar og hvar og nær undirvíst verður.

Kvøldskúlaleiðari er Hans Petur Jacbobesn, tlf. 232730

Stranda Musikkskúli

Stranda Musikkskúli hevur sum endamál at ríka um tónleikavirksemi og sang í nærumhvørvinum, og at bjóða undirvísing á høgum stigi. Musikkskúlin er ein týðandi liður í at menna tónlistaligu evnini hjá einstaklingum og bólkum, og geva hvørjum næmingi sær møguleikan at uppliva og meta um tónleik.

Spælast kann á hesi ljóðføri:

  • Tvørfloyta
  • Klarinett
  • Guitar
  • Klaver/orgul
  • Slagljóðføri (trummur)
  • Horn
  • Einsangi (Solosangi) (Nýtt í ár)

Um eingi tøk pláss eru til valda ljóðførið, kemur umsøkjarin á bíðilista til fyrstvalda ljóðførið. Bíðilisti er longu til øll ljóðføri uttan horn.

Aldursmarkið at melda seg til musikkskúlan er 2. flokkur, t.v.s. at ein skal hava 2. flokks aldur áðrenn ein kann melda seg til musikkskúlan.

Í Stranda musikkskúla fær hvør næmingur undirvísing í 9 mánaðir frá fyrst í september til síðst í mai. Undirvíst verður í skúlatíðini eina ferð um vikuna einar 20 – 30 minuttir. Tá tað bert verður undirvíst eina ferð um vikuna, krevur hetta, at næmingurin venur rættiliga nógv heima!

Kostnaður er 1.200 krónur um árið. Tit fáa rokning sendandi – frítíðarkortið kann nýtast at galda fyri musikkskúlan. Eisini kann næmingurin rokna við at skula gjalda fyri undirvísingartilfar – frítíðarkortið kann ikki nýtast til at gjalda fyri undirvísingartilfar.

Tað verður kravt, at næmingurin luttekur í tveimum almennum konsertum. Tann fyrra verður fyri jól og hin seinna einaferð í mai mánað.

 

Leiðari í Stranda musikkskúla er:

Ásbjørn Berthelsen
tlf. 22 24 01
teldupostur: musikkskulin@sjovar.fo

Undirhúsið

Hin 28. desember 2013 læt undirhúsið á Strondum upp. Tríggjar ferð um vikuna hittast fólk í undirhúsinum til samveru og prát.

Undirhúsið er opið hesar dagar:

  • Mánadag kl. 15:00 - 17:00
  • Mikudag kl. 15:00 - 17:00
  • Fríggjadag kl.15:00 - 17:00

Øll eru vælkomin.

Send boð til Sjóvar kommunu