Kommunustýrisfundur  29.01.2026

Møtt: Hans Anders Jacobsen, Artur Johansen, Sonni Johansen, Noomi K. Rasmussen, Jóhan H. Funn, Sandra L. Østerø og Drós Ellingsgaard

 
Skrivari: Anna E. Joensen
Klokkan: 17:00-18:00

Mál nr.: 541-13-2025, Sjk., broyting í byggisamtykt fyri vinnuøkið Innan Glyvur
Reist av: Sjóvar kommunu 
Málslýsing: Byggisamtyktin fyri vinnuøkið avmarkar bygningar hægri enn 8,5m. Ynski er tí um at broyta byggisamtyktina fyri økið, so at loyvi verður at byggja hægri. 
Uppskot er um at broyta byggisamtyktina fyri §4. 1 øki C punkt d til:
"Einki hús ella einstakir partar teirra mugu vera hægri enn 12 m yvir planeringshædd og natúrligt uppruna lendi."

Tøkni- og býarskipanarnevndin mælir til at broyta byggisamtyktina. Lagt fyri kommunustýrið.
 
Avgerð:
Samtykt at fylgja tilmælinum frá Tøkni- og býarskipanarnevndini og broyta byggisamtyktini fyri §4. 1 øki C, punkt d, til: Einki hús ella einstakir partar teirra mugu vera hægri enn 12 m yvir planeringshædd og natúrligt uppruna lendi.

Mál til umrøðu:

Mál nr.: 540-6-2025, Sjk., umhvørvisætlan
Reist av: Sjóvar kommunu 
Málslýsing: Uppskot til umhvørvisætlan. 
Avgerð: Umrøtt

Mál nr.: 328-4-2022, Sjk., ítróttarhøll á Strondum
Reist av: Sjóvar kommunu 
Málslýsing: Umrøða av málinum
Avgerð: Umrøtt

Mál nr.: 103-2-2026, Barna- og ungdómstannrøkt
Reist av: Sjóvar kommunu 
Málslýsing: Kunning. 
Avtalan, sum kommunan hevur við Tannfegin á Skála, gongur út 1. august. Vísandi til §10, stk. 2, skal avtalan endurskoðast eftir fimm ár.
Fíggjarnevndin mælir til at halda fram við verandi avtalu.
Avgerð: Kommunustýrið tekur undir við tilmælinum hjá fíggjarnevndini.