Sum vera mann vóru børnini spent, tá tey í morgun møttu í Borgini at skriva seg inn í 1. flokk næsta skúlaár.

Mariann tók ímóti, og saman við Eyðgerð sungu tey nakrar sangir. Mariann greiddi eitt sindur frá, hvussu tað er at ganga í skúla, og legði dent á, hvussu stóran týdning tað hevur, at øll eru vinir.

Tá børnini høvdu skrivað seg inn, fóru tey í fimleikahøllina at spæla, og sluppu so at syngja morgunsang saman við øllum hinum næmingunum.