Talan er um B24y á Miðnámi á Kambsdali, sum hevur sett sær fyri at skapa jólahugna – ikki bara fyri seg sjálvi, men eisini fyri onnur. Tey hava vant allan desembur mánaða, og í dag og fríggjdagin fara tey runt við gittara, harmoniku, sangi, jólasøgu og heimabakstri at vitja ellisheim og sambýli kring landið og syngja føroyskar jólasangir, lesa eina jólasøgu og bjóða búfólki og gestum heimabakaðar smákøkur.

Nógv kenna ivaleyst til stuðulsrenning, men í hesum føri er talan um stuðulssynging, har tit kunnu hjálpa flokkinum at savna inn til námsferðina í vár.

Samstundis stuðla tit einum góðum endamáli – at ung og eldri hittast til gleði, sang og jólahugna.

** Hava tit hug at stuðla, so kunnu tit flyta eina valfría upphædd á her: 9181 – 611.034.9

B24y á Kambsdali