Tak ein pakka og hong ein nýggjan upp.

Hetta frálíka hugskotið hava Óðin og mamman gjørt til veruleika við einum pakkatræi í Kolbeinagjógv.
Tey hava hongt eina rúgvu av pakkum á træið, og so er hugsanin, at børn kunnu koma at fáa sær ein og heingja ein nýggjan á træið. 
Pakkanir eru til børn frá 0-12 ár. Tað er umráðandi, at mann merkir “genta” ella “drongur” á, saman við aldrinum á barninum, sum pakkin er ætlaður til.

Leggið gávuna í ein plastposa við knúti á og bandi um, so teir kunnu hanga væl og passa til veðurlagi.

Óðin og mamman vóna, at hetta kann skapa enn meira hugna og gleði til jóla, og at børnini í kommununi taka væl undir við tiltakinum.