Gjørt verður kunnugt, at vallistin til kirkjuráðsvalið til Sjóvar kirkju tann 4. november 2025 liggur frammi til alment eftirlit á kommunuskrivstovuni frá í dag, 16. oktober til týsdagin 29. oktober í vanligari avgreiðslutíð.

Kæra um, at onkur av órøttum er komin á listan, ella onkur ikki er tikin við, skal í seinasta lagi 29. oktober verða send kirkjuráðnum fyri Sjóvar kirkju, sum kannar og tekur endaliga avgerð í málinum.