Kommunustýrisfundur  29.01.2024
 
Møtt: Artur Johansen, Jóannes E. Markná, Steingrím Jacobsen, Rógvi R. Djurhuus, Hans Anders Jacobsen,
Súni F. Olsen og Andras Róin
 
Skrivari: Anna E. Joensen
Klokkan: 17:00-19:20

Mál nr.:  103-1-2024, starvsfólk til ungdómshúsið
Reist av: Sjóvar kommunu
Málslýsing: Taka støðu til tilmæli frá setanarbólkinum. Verður viðgjørt fyri afturlatnum hurðum.
Avgerð: Samtykt at fylgja tilmælinum frá setanarbólkinum og bjóða tveimum av umsøkjarunum starv.

Mál nr.:
Lántøka til íløgur
Reist av: Sjóvar kommunu
Málslýsing: Fíggjarnevndin mælir til at hækka verandi lán upp til 20 mió. Lagt fyri kommunustýrið.
Avgerð: Samtykt at hækka verandi lán við 8 milliónum upp til 20 milliónir.

Mál nr.: 547-1-2021, vinnuøki Innan Glyvur
Reist av: Sjóvar kommunu
Málslýsing: Vinnu- og umhvørvisnevndin mælir til at taka av tilboði til at skipa vinnuøkið. Fíggjarnevndin mælir til at fylgja tilmælinum. Víst verður til RS-665. Lagt fyri kommunustýrið.
Avgerð: Samtykt at fylgja tilmælinum frá fíggjarnevndini. Víst verður til RS-665.

Mál nr.: 328-4-2022, ítróttarhøll á Strondum
Reist av: Sjóvar kommunu
Málslýsing: Fíggjarnevndin tekur undir við tilmælinum frá Trivnaðar- og mentanarnevndini viðvíkjadi graving og planering av øki til ítróttarhøll. Nevndin mælir eisini til at gera treytað avtaluskjal um bygging av ítróttarhøll.

Broytingaruppskot frá Súna:
Taka tilmælið frá fíggjarnevndini av skrá í dag, tí tað verður ikki mett, at tað er klárt at taka støðu til. Ynskt verður, at málið verður lýst á nøktandi hátt, fyri síðani at leggja tað fyri kommunustýrið til støðutakan.

Broytingaruppskot frá Artur:
Mælt verður til at biðja Heildarverk um at liðugtprojektera ítróttarhøllina, sum vit hava fingið sum skitsuuppkot.

Avgerð:
Atkvøðugreiðsla um broytingaruppskot frá Artur: Fýra atkvøður fyri, Artur, Andras, Steingrím og Súni. Tríggjar ímóti, Jóannes, Hans Anders og Rógvi.

Atkvøðugreiðsla um broytingaruppskot frá Súna:  Fýra atkvøður fyri, Artur, Andras, Steingrím og Súni. Tríggjar ímóti, Jóannes, Hans Anders og Rógvi.

Tilmælið frá fíggjarnevndini er sostatt tikið av skrá í dag.

Mál nr.: Ikki mál
Reist av: Kongshavnar Havn
Málslýsing: Rakstrarætlan fyri 2024 til góðkenningar
Avgerð: Gjøgnumgingin og góðkend