Tíðindi

18. okt 2023

Fjølmentanarligt tiltak á Strondum

Sunnudagin 22. oktober kl. 16 verður afturvendandi fjølmentanarligt tiltak í bygdahúsinum á Strondum.

Tiltakið er ein liður í Fjølmentanarvikuni, sí meir um hana her.

Á tiltakinum í bygdahúsinum fara borgarar úr Sjóvar kommunu ættaðir úr øðrum londum at vísa fram ymiskt úr egnum heimlandi.

Tiltakið byrjar við, at umboð fyri Sjóvar Kommunu setir tiltakið, áðrenn Cinthia Gonzáles Parada og Sergio Martinez framføra nøkur løg. Tailendskur dansur verður eisini framførdur. 

Eftir hetta verður boðið inn í prýddu høllina, har eygu, oyru og smakkleykir fáa forvitnisligar og øðrvísi upplivingar. Her fáa øll vitjandi møguleika at royna mat úr ymsum matmentanum, meðan tey leggja oyru til orð og tónar úr fjarskotnum londum. Fjølbroyttu smakkiroyndirnar umboða fylgjandi lond: 

  • Kili
  • Peru
  • Tailand
  • USA

Seinasta ár varð undirtøkan fyri tiltakinum sera góð! Vit vóna, at hon verður eins góð aftur í ár, og at vit á henda hátt saman fagna teimum ymisku mentanunum, ið virka og hava sítt lív mitt í okkara egna samfelagi. 

Tiltakið er ókeypis, og øll eru hjartaliga vælkomin. 

Myndir frá tiltakinum seinasta ár síggjast her.

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
17. nov 2026
Minnisøkið í Kolbeinagjógv
13. nov 2026
Kommunustýrisfundur 19. nov.
13. nov 2026
Lands­stýris­maðu­rin er sinnaður at viðgera málið um rundkoyring
12. nov 2026
Skatta­listin fyri 2025
09. nov 2026
Marknaðardagur í bygdahúsi­num 15. nov.
09. nov 2026
Lítlifløttur 20 ár
04. nov 2026
Sámuel bæði steypavinnari og føroyameistari
03. nov 2026
Kim Simonsen fær amerikanska virðisløn fyri yrkingar­savn

Send boð til Sjóvar kommunu