Tíðindi

03. mar 2021

Ferðaætlan fyri leiðirnar 400, 401, 440 og 450 til almenna hoyring


Uppskot til tillaging av ferðaætlan viðvíkjandi leiðunum 400, 401, 440 og 450 eftir 1. apríl 2021 er við hesum sent til almenna hoyring. Gjørt verður vart við, at freistin at gera viðmerkingar til málið er 17. mars 2021. Møguligar viðmerkingar skulu stílast til ssl@ssl.fo.

Eftir at Eysturoyartunnilin opnaði 19. desember 2020 er ferðslumynstrið í Føroyum broytt. Broytingarnar og tillagingarnar, ið vóru settar í verk, hava verið viðgjørdar í samskifti við málaráð, kommunur, viðskiftar v.fl. og sett í mun til sáttmálar við busseigarar og kommunur, kostnaðarviðurskifti, hagtøl, royndir at koyra gjøgnum Eysturoyartunnilin, innkomnar skrivligar klagur og viðmerkingar v.m. Við støði í hesum hevur Strandfaraskip Landsins tillagað ferðaætlanina hjá Bygdaleiðum. Víst verður eisini á, at tillagingar eru gjørdar á øðrum leiðum, sum møtast við leið 400, 401, 440 og 450 (sí ferðaætlan fyri leiðirnar niðast á síðuni).

Leið 400 fer aftur at koyra millum Klaksvík og Tórshavn gjøgnum Sundalagið, á nærum sama hátt sum áðrenn Eysturoyartunnilin opnaði. Ein nýggj snarleið, leið 401, fer at koyra gjøgnum Eysturoyartunnulin á morgni og seinrapart millum Klaksvík og Tórshavn, og steðgað verður eftir ætlan í Leirvík, Gøtudali og Runavík. Á morguntúrinum verður koyrt runt í Havnini.

Leið 450 fer at koyra gjøgnum Eysturoyartunnulin úr Havn til Strendur og Runavík og aftur til Havnar 7 ferð gerandisdagar, 3 ferð leygardagar og 2 ferð sunnudagar. Leið 450 fer at steðga við skúlan á Strondum og við Sjómansheimið í Runavík, undantikið tá ið snarleiðin, leið 401, úr Klaksvík koyrir gjøgnum Runavík um morgunin. Tá verður steðgað við skúlan við Løkin, tí 3 bussar skulu kunna møtast, og av og á skipa ferðandi undir tryggum viðurskiftum. Leið 440 møtist við leið 450 við skúlan á Strondum og við Sjómansheimið í Runavík. Við hesum fáa ferðandi úr Skálafjørðinum betur og skynsama loysn at koma til og frá arbeiði í Havn, umframt ferðandi úr Havn kunnu koma øvugtan veg til og frá arbeiði. Til dømis kunnu ferðandi av Toftum fara við leið 440 klokkan 06.55, skifta klokkan 07.00 í Runavík til leið 401, sum koyrir til og runt í Havnini, fyri at síðan at enda á Farstøðini í Havn klokkan 07.35.

Við umfatandi broytingunum og tillagingunum, ið eftir ætlan verða íverksettar 1. apríl, fer SSL enn einaferð at minna á, at broytiliga samfelagið ber við sær, at verandi samfelagskervi og fyriliggjandi ferðaætlan til eina og hvørja tíð er ein støðumynd, sum krevur støðugar tillagingar til broytilig ferðslumynstur og tørv. Við broyttu ferðaætlanini verða fleiri møguleikar at koma fram á meginøkinum við umhvørvisvinarligu bussunum, ið hava GPS skipan, soleiðis at ferðandi kunnu síggja, hvar bussarnir eru her og nú.

Sí myndaúrskurði av rutukorti fyri leiðirnar 450, 440, 401 og 400 her

Sí ferðaætlan fyri:

Leið 450 her
Leið 440 her

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
15. apr 2021
Saman basa vit einsemi
14. apr 2021
Søkt verður eftir frítíðaravloysarum til Sjóvarlon
14. apr 2021
í kvøld kl. 18.00
13. apr 2021
Nýtt súkklu- og triathlon­felag stovnað á Skálafjørðinum
13. apr 2021
Fundur í Tøkni- og býarskipanar­nevnd­ini 12.04.2021
08. apr 2021
Søkt verður eftir sosial­ráð­geva
07. apr 2021
Morgundrekka hósmorgunin
07. apr 2021
Kvinnur­nar í FM finaluni
Send fyrispurning