Í gjár byrjaði klassiska tónleikakappingin Stella Polaris. Kappingin heldur fram í dag og endar í morgin.

Hesa ferð gevur Stranda Musikkskúli eitt íkast til kappingina. Rakul Østerø Frederiksberg og Eliana Hammer Olsen, sum báðar leika á tvørfloytu, verða nevniliga við í kappingini í kvøld, 19. februar.

Eliana skal á pallin kl. 14.20 og Rakul kl. 15.15. Kappingin kann stroymast á leinkjuni her.

Eliana skal spæla stykkini Sicilliano eftir J. S. Bach og Polka Halekin eftir R. Drigo.

Rakul skal spæla stykkini Allegri í a-mol eftir G. F. Handel og Centilena eftir W. Popp.

Lærari teirra er Katja Voloveskaja, sum hevur undirvíst teimum í tvørfloytu, síðani tær gingu í 4. flokki. Eliana og Rakul hava vant nógv til kappingina og gleða seg til í kvøld.

Stranda musikkskúli

Í Stranda musikkskúla er møguligt at læra seg at leika upp á ymisk ljóðføri. Í verandi løtu verður undirvíst í hesum ljóðførum:

• Tvørfloytu
• Klarinett
• Guittar
• Klaver/orgul

Arbeitt verður við at víðka um Stranda musikkskúla. Ítøkiliga merkir hetta, at ætlanin er at hækka evsta markið á talinum á spælandi næmingum, umframt at útboðið av ljóðførum skal breiðkast.

28 børn ganga í Stranda Musikkskúla í dag - meir um Stranda Musikkskúla kann lesast her.

Umframt undirvísingina í undirvísingarhølinum eru aðrir ágóðir við musiksskúlaskipanini, m.a. nevnda kapping Stella Polaris. Annað nevnivert er eisini  samanspæl, konsertir, stevnur og verkskeið, kappingar og royndir v.m. Hesar møguleikar kann ein lesa meir um her.