Tíðindi

27. jul 2020

Brellbiti av skránni fyri ólavsøkuhaldið á Strondum

Sum kunngjørt í seinastu viku, verður skipað fyri eini mini-útgávu av ólavsøkuni í Strandatúni á Strondum ólavsøkudag, 29. juli.

Skráin fyri dagin byrjar nú at taka skap, men enn er alt ikki endaliga komið uppá pláss. Fyri ikki at koma út við fleiri skráum, fáa tit her ein brellbita av tí, sum kemur at verða á skránni. Endaliga skráin verður løgd út á heimasíðuna hjá Sjóvar kommunu tíðliga í morgin, 28. juli.

Byrjað verður kl. 18.00, tá sølubúðirnar opna, samstundis sum undirhaldið eisini byrjar.

Av sølubúðum kunnu nevnast:

  • Pylsuvognurin selur pylsur og burgarar v.m.
  • Candyfloss og frískt pressa djús verða til sølu
  • Filipinsk suppa verður til keyps.
  • Vaflur og kaffi/te verða at fáa
  • Skúmbollar verða til keyps
  • Endurnýtslusøla
  • Heimagjørdir prýðislutir

Hoppiborgirnar opna eisini kl. 18.00.

Ymiskt undirhald verður eisini á skránni. Nevnast kann:

  • Kom við til Spæliland koma at framføra nakrar sangir. Klovnurin Totti kemur eisini at stuttleika sær við børnunum.
  • Simona á Fríðriksmørk kemur at syngja
  • Sámal Ravnsfjall kemur at syngja
  • Systkini Kirstin, Bodil og Markus Olsen koma at syngja
  • Niclas Heri kemur at syngja Dynamit hit

Borð og benkur verða sett upp í Strandatúni, soleiðis at fólk kunnu seta seg niður at eta ella bara at hugna sær og njóta ólavsøkuløtuna á Strondum.

Vit runda ólavsøkudámin á Strondum av á midnátt við midnáttarsanginum. Sanghefti verða útflýggjað.

10. aug 2020
Húsarhaldsglas til endur­vinning
08. aug 2020
Herd tiltøk sett í verk í økistænastuni hjá Roðanum
08. aug 2020
Kommunuskrivstovan stongd
07. aug 2020
Fólka­kirkjan avlýsir gudstænastur í august
07. aug 2020
Svimjihylu­rin, bókasavnið, bygdahúsið og undirhúsið steingja
07. aug 2020
Lítlifløttur stongdur eina viku afturat
05. aug 2020
TeenStreet á Strondum
28. jul 2020
Skráin fyri ólavsøkuhaldið á Strondum
Send fyrispurning