Í døgunum 8 til 11 juli er EM kapping í Írlandi fyri unglinga-landslið í dart.

Fýra føroyingar umboða Føroyar, harav 2 umboð frá Skála dartfelag.

Nói Reinert Djurhuus Innan Glyvur, Sámuel Rasmussen Strendur, Jóni Kjærbo Tórshavn og Dávur Berg Klaksvík eru við fyri Føroyar.

Fyrsti dagurin endaði við sera góðum úrslitum í tvímansleiki.
Bæði pørini í tvímansleiki komu samførandi víðari úr bólkaspælinum.
Dávur og Nói máttu vinna seinasta dystin hjá sær móti sterka íslendska parinum, og tað gjørdu teir uttan himpr við sigri á 3-1.
Hjá Jóna og Sámuel máttu sigrar á bæði Fraklandi og Luksenburg til fyri at tryggja víðari luttøku, og hetta megnaðu teir eisini greitt.
Í 1/16 finalunum møttu bæði pørini tó sera sterka mótstøðu, og taptu bæði sínar dystir.
Jóni og Sámuel møttu krútsterka enska parinum við stjørnuskotinum Kaya Baysal. Dávur og Nói taptu greitt mótil pari frá Latvia.
Hóast hesi bæði seinastu tapini, má hetta sigast at vera ein fantastiska góð debut á EM-pallinum hjá okkara U18 landsliði.
Á samlaða EM-stigatalvuni eftir fyrsta dystardagin liggja Føroyar á einum flottum 13. plássi av 27 luttakaralondum.

Hósdagin verður kappast í einmansleiki. 

Dystirnir verða sendir beinleiðis á Youtube á hesi leinkju.

Úrtslit o.a kunnu síggjast á heimasíðini hjá Dartconnect.

Sjóvar kommuna ynskir teimum alt tað besta í kappingini.