Dámar tær væl tógv og at binda ella hekla?

So kom til Bint alment (altjóða heitið er WWKIP: World Wide Knit in Public) tiltakið í amfiteatrinum uttanfyri dagstovnin Lítlafløtt á Strondum.
Tiltakið er ókeypis og hevur til endamáls, at savna øll bindi- og tógváhuga. Tá fleiri fólk innan sama áhugamál eru savnað eru bæði lærdómur og nýggj vinarbond at finna. Okkara vón er at hitta royndar og óroyndar bindarar og tógvelskarar í øllum aldri og úr øllum landinum!
So tak stokkarnar ella heklinálina við í taskuna, bindivinin undir armin og kom ein túr, at hugna tær saman við øðrum tógváhugaðum!
Sjóvar kommuna bjóðar okkum ein drekkamunn.
Vælkomin

Aftaná tiltakið, frá kl 14:30 - 16:00 er opið í Eygastovu í Norðagøtu
Ein avsláttur á 10 % verður latin hendan dagin.
www.eygastova.fo

Gott at hava við:
- Sitipútu!
- Termokrúss!
- Stokkar/heklinál! Ein sjálvfylgja, men skuldi tú gloymt tað, so ert tú vælkomin hóast alt.

Vit síggjast!