Í dag, sunnudagin 31. mai kl. 15.00 fara vit á krabbaveiðu á Kumlum (á eystursíðuni í Tanga). Hetta er eitt afturvendandi tiltak á útivikuni, og plagar tað at verða ein sera deilig løta við bæði krabbaveiðu, hugna og kanska onkrum karmi.

Tað hevur regnað allan morgun, og regnar enn, men tað er lýtt og stilt, so krabbarnir fáa ikki frið fyri okkum í dag. Vónandi verða vit mong.

Havið glúp og spann við.

Børnini fáa sunkist, meðan vaksin eru vælkomin at taka kaffi/te við. Koppar vera á staðnum.

Vit síggjast.