Sjóvar kommuna bjóðar aftur í ár plantur til borgarar sínar. Hetta verður gjørt mikudagin 13. mai kl. 17:00 - 19:00 við Fornminnasavnið í Heygsstøð.

Hvørt húski í Sjóvar kommunu fær eina plantu.

Veljast kann millum fleiri ymiskar plantur av trøðum, runnum og staudum. Fleiri plantusløg egna seg eisini væl til pottar og krukkur. 

Fólk við kunnleika um plantur verða á staðnum og vegleiða, um tørvur er á tí.

Tað er avmarkað nøgd av hvørjum plantuslagi, og tí brúka vit ”først til mølle”-prinsippið.