Sara Benjaminsen ársins ungi leikari hjá kvinnum í 2025, og Sólja Ernstdóttir ársins leikari.

Á tiltakinum "Ársins Leikari", sum FM1 og Portalurin skipaðu fyri um vikuskiftið, varð Sara Benjaminsen kosin ársins ungi leikari hjá kvinnum hetta kappingarárið.

Sara hevur sanniliga havt eitt framúr kappingarár.
Tilsamans er er hon skrásett fyri 107 mál í øllum dystum hon hevur leikt, hetta íroknað U17 landsliðið. Hon hevði avgerandi leiklut tá G16 hjá Skála ÍF ognaðu sær steypið í steypakappingini, har hon eisini var dagsins leikari, og hevur eisini gjørt vart við seg í Betri deildini hjá kvinnum í ár.

Ársins leikari bleiv Sólja Ernstsdóttir. Sólja, sum hevur slitið sínar barnagaggur hjá Skála íF, spælir í løtuni við Kí, har hon rættiliga hevur gjørt vart við seg.

Sjóvar kommuna ynskir tykkum hjartaliga til lukku við heitunum.