Umhvørvismálaráðið hevur nú góðkend broytingina í byggisamtyktini fyri Hulk á Strondum, sum kommunustýrið samtykti 26. august 2024. 

Broytingin er fyri part av matrikkul 367a á havnalagnum á Hulki. Hetta økið eitur nú D3. (sí kortið)

Hesar ásetingarnar eru fyri økið 

§ 5 Ásetingar fyri øki D: Havnaøki

Øki D3

a)   Øki verður lagt av til goymslutangar við harat tengdum bunkringarbúnaði og rakstrarbygningum v.m

b)   Útstykking kann bert fara fram eftir góðkendari ætlan fyri alt økið

c)    Hægst loyvda byggistig er 0,8

d)   Hægst loyvda nýslustig verður víst til byggistig og hæddarásetingar.

e)    Marknafrástøða verður at avráða við byggimynduleikan.

f)    Eingin partur av byggingini má stinga hægri enn 20m upp um næst atliggjandi kaikant roknaður at liggja í kotu 2.0