Tíðindi

29. apr 2025

Staðarnøvn á Selatrað

Í fýra ár hava teir trýggir, Símun Mittún, Max C. Weihe og Kári Jacobsen fingist við at skráseta staðarnøvn á almenna kortið hjá Sjóvar kommunu.
Andreas Weihe á Selatrað (1867-1946), sum bæði var bóndi, politikari og rithøvundur - hevur í bókini Tjóðminni skrivað upp yvir 500 staðarnøvn á Selatrað. Tað eru mest hesi nøvnini teir trýggir hava siti við og skrásett, tikið myndir og lagt søgur afturat. Eisini hava teir skrásett ymist nýggjari.


Teir vóru til ein kaffifund á kommunuskrivstovuni í gjár fyri formliga at avhenda arbeiðið til kommununa. Hans Anders Jacobsen handaði teimum hvør sína gávukurv sum tøkk fyri stríðið.


Vit fegnast stórliga yvir, at fólk sjálvboðin taka stig til at skráseta nøvn, søgur og sagnir í okkara kommunu, so hetta kann verða varðveitt.


Staðarnøvnini síggjast á sjovar.kort.fo – set flugubein í staðarnøvn og suma inn. Við at trýsta á reyðu punktini við hvørt staðarnavn, ber til at síggja áhugaverdar frágreiðingar og møguligar myndir í ”vedhæftede filer”

Kommunan fer seinni í summar at skipa fyri einum túri á Selatrað, har teir fara at greiða frá.

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
01. mai 2025
Sjómansk­vinnu­ringurin
01. mai 2025
Leigulendi til veltu
01. mai 2025
Ruddingardagur 10. mai
29. apr 2025
Staðarnøvn á Selatrað
28. apr 2025
Kommunustýrisfundur 24.04.2025
28. apr 2025
Kunngerð um broyting í byggisamtykt
28. apr 2025
Kvinnucafé í Café Bella 4. mai, kl 15:00
28. apr 2025
Flaggdagshald 2025, røða og myndir

Send boð til Sjóvar kommunu