- Eg haldi hetta er eitt gott skip, hóast tað ikki er nýtt. Tað er bygt í 1998, men nærum øll útgerðin umborð er nógv nýggjar, sigur Mortan Mortensen, skipari og ein av eigarunum

Klokkan átta gjáramorgunin kom nýggi Kambur, fyrrverandi Veststeinen á Skála. Tað er felagið M&S Strendur, á Strondum, sum hevur keypt frystilínuskipið úr Norra. Eigarar, familja og vinir tóku ímóti, og bjóðaðu umborð til ein góðan morgunmat.

- Eg haldi hetta er eitt gott skip, hóast tað ikki er nýtt. Tað er bygt í 1998, men nærum øll útgerðin umborð er nógv nýggjari. Tað sigur skiparin og eina av eigarunum Mortan Mortensen.

- Eg kann nevna, at høvuðsmotorurin er frá 2018 og var høvuðsumvaldur í 2023. Ljósmotorarnir eru frá 2023 og verksmiðjan og frystiútgerðin er frá 2013, sigur hann.

- Okkurt smávegis skal gerast við skipið, sum ætlandi tekur umleið tvær vikur. So verður fari til fiskiskap. Fleiri av manningini frá fyrrverandi Kambi koma við, og so hava fleiri spurt um hýru, so vit eru um at verða mannaðir, sigur Mortan Mortensen.

Skipið kemur at eita Kambur. Tað er 47 metrar langt og 10 metrar breitt. Motorurin er Caterpillar og ljósmotorarnir eru Scania. Kambur lastar 360 tons.

Sjóvar kommuna ynskir eigarunum til lukku og Guds signing við Kambi.

Kelda: Føroyska Sjómansmissiónin