Tíðindi

08. aug 2024

Íbúðarbygging á Strondum

Sjóvar Kommuna og Mekon Sp/f gjørt avtalu um, at Mekon keypir tvey íbúðarøkir á Strondum. Mekon skal ætlandi byggja 22 íbúðir, sum verða bygdar í nýggju útstykkingini úti við Hálsatjørn og Nónvarða.

Hendan staðsetingin er eitt nýtt bústaðarøki á Strondum og eru fleiri nýggj hús komin har, og fleiri eru ávegis. Hettar merkir, at um stutta tíð er ein heilt nýggjur býlingur komin. 

Økið er slætt, og útsýnið er heilt framúr gott. Ein sær alt - heilt av Glyvrum til Tórshavnar.

Eftir at Skálafjarðartunnulin lat upp, er Strendur blivin partur av miðstaðarøkinum og tekur tað nú bara 10 min. at koyra til Hoyvíkar og 5 min. til Runavíkar.

Verkætlanin umfatar tveir bygningar. Ovari bygningurin hevur 10 íbúðir, og niðari bygningurin hevur 12 íbúðir.

Niðari bygningurin er lagdur niður í lendið, so at parkeringsøkið er ájavnt við ovaru hæddina. Tað vil siga, at tað er gangandi beint inn á ovaru hæddina, og trappur eru niður á niðaru hæddina.

Í ovara bygninginum er parkeringsøkið ájavnt við niðaru hæddina, so at gangandi er beint inn á niðaru hæddina og trappur upp á ovaru hæddina.

Arbeiðið byrjar beinanvegin og verða fyrstu íbúðirnar klárar at flyta inn í á páskum 2025.

Meira fæst at vita um íbúðirnar á heimasíðuni hjá Mekon - www.mekon.fo

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
28. mai 2025
Ert tú heilsurøktari, heilsuhjálpari ella hjálpar­fólk? Vit leita eftir tær til heimatænastuna!
26. mai 2025
Kommunustýrisfundur 28. mai
26. mai 2025
Námsfrøð­ingar til Lítlafløtt
26. mai 2025
Myndarøð- Kvinnu­kvøldið 2025
26. mai 2025
Uttandura hondbóltskapping
26. mai 2025
Kom-Út-Vikan. Sjónleikur í Strandatúni
26. mai 2025
Kom-Út-Vikan. Málninga­framsýning í Heygsstøð
26. mai 2025
Broyting í ruskinn­savning­ini í viku 22

Send boð til Sjóvar kommunu