Tøkni- og býarskipanarnevndin 06.11.2023
Møtt: Rógvi R. Djurhuus, Andras Róin og Marjun á F. Berbisá
 
Umframt: Artur Johansen, Tummas Johannesen
Skrivari: Anna E. Joensen
Klokkan: 17:00-20:15

Mál nr.: 544-24-2022, varandi orka í kommununi
Reist av: Sjóvar kommunu
Málslýsing: Sjógvorka
Avgerð: Nevndin mælir til húsið verður gjørt. Tvær milliónir eru settar av á RS-611 í ár. Lagt fyri fíggjarnevndina.

Mál nr.: 321-1-2023, svimjihylurin 
Reist av: Sjóvar kommunu
Málslýsing: Dagføring av svimjihylinum
Avgerð: Nevndin mælir til, at 1,1 millión verður sett av í 2024 til dagføring av svimjihylinum. Lagt fyri fíggjarnevndina.

Mál nr.: 104-4-2021, niðurtøka av bygningum
Reist av: Sjóvar kommunu
Málslýsing: Fjós Innan Glyvur
Avgerð: Samtykt at biðja um kostnaðarmeting av niðurtøku av fjósi og tilhoyrandi bygningum.
 

Mál nr.: Ikki mál
Reist av: Sjóvar kommunu
Málslýsing: Asfaltering
Avgerð: Nevndin mælir til at taka av tilboði uppá kr. 152.000 uttan MVG til at asfaltera økið niðan fyri skúlan. Víst verður til RS-413. Mælt verður til at taka av tilboði uppá kr. 156.000 uttan MVG at asfaltera gøturnar í kirkjugarðinum. Víst verður til RS-671. Lagt fyri fíggjarnevndina.

Mál nr.: 542-30-2023
Reist av: Terja Thomsen
Málslýsing: Terji spyr um hann kann leiga ella umsita stykkið, matr. nr. 367a, so hann kann fríðka økið. Eisini spyr hann um loyvi at gera plattin við úthurðina størri.
Avgerð: Samtykt, at loyvi verður givið til at leiga part av matr. 367a eftir somu treytum sum matr. 367d verður leigað út fyri.

Mál nr.: 542-29-2023, umsókn um frávik
Reist av: Bára Nesá
Málslýsing: Søkir um frávik í byggisamtyktini, matr. 79bm
Avgerð: Samtykt at fylgja frámælinum frá tekniska leiðara og nokta umsóknini.

Mál nr.: 546-4-2023, vinnuøki á Hulki
Reist av: KRAFTA
Málslýsing: KRAFTA søkir um vinnuøki á Hulki til oljutangar. 
Avgerð: Nevndin er jalig, treytað av, at øll onnur viðurskifti eru komin upp á pláss.

Mál nr.: 211-2-2023, fíggjarætlan 2024
Reist av: Sjóvar kommunu
Málslýsing: Hyggja gjøgnum rakstrarkonti á tekniska økinum. 
Avgerð: Nevndin tekur undir við uppskoti frá umsitingini, dagf. 06.11.2023