Tíðindi

23. nov 2022

Fíggjarætlan 2023

Mánakvøldið 21. november samtykti Sjóvar kommunustýri fíggjarætlanina fyri 2023.

Kommunuskattaprosentið verður óbroytt á 21 og barnafrádrátturin verður 7 tkr, tann sami sum frammanundan.

RAKSTUR

Inntøkurnar av rakstrinum eru 65,2 mió.kr. og útreiðslurnar eru 55 mió.kr. Avlopið av rakstrinum er 10,2 mió.kr, harav rentuútreiðslur og stuðul til rentuútreiðslur eru 1,7 mió.kr.

Skipanin við frítíðarkorti, sum hevur verið ein royndarskipan, heldur fram sum ein føst skipan, á sama hátt sum frammanundan. Hendan skipanin gevur børnum og ungum, frá 6 til 18 ára aldur, eitt virði á 2.000 kr., sum kann nýtast til at luttaka í ítróttarligum og øðrum mentanarligum frítíðartilboðum.

Gjøldini og skipanin á dagstovnaøkinum eru óbroytt, soleiðis at goldið verður fult gjald fyri fyrsta barnið, 3/4 gjald fyri annað barnið og onki gjald fyri triðja barnið.

Í trá við at fólkatalið í kommununi økist, hevur verið neyðugt at seta fleiri fólk í starv á dagstovnaøkinum í 2022, og hetta viðførir ein hægri rakstrarkostnað á hesum rakstrarstaði.

Í sambandi við at umstøðurnar á havnalagnum á Hulki eru blivnar nógv betri, eru inntøkurnar í sambandi við skipaferðslu øktar munandi.

ÍLØGUR

Íløgur verða gjørdar fyri 24,8 mió.kr., og hesar verða fíggjaðar við rakstraravlopi og lántøku.

Umframt nakrar smærri íløgur, verða íløgur serliga gjørdar í eina ítróttarhøll, fyrireiking av einum vinnuøki Innan Glyvur og íløgur í grønar orkuloysnir og nýggjar útstykkingarætlanir.

Harumframt verður frítíðarstovan, sum stendur í gerð, gjørd liðug og tikin í nýtslu í 2023

Hetta eru stór tøk, ið fara at seta sín dám á komandi fíggjarætlanir, tí fleiri av hesum stóru íløgum fara at fevna um meira enn eitt fíggjarár.

FÍGGJARSTØÐA

Langfreistaða skuldin er ultimo oktober 2022 30,8 mió. kr., og verður í 2023 niðurgoldin við 5,6 mió.kr.

Ultimo oktober 2022 er nettoskuldin í Sjóvar kommunu 25,3 mió.kr., og við ársenda 2022 verður nettoskuldin væntandi 36,5 mió.kr., svarandi til umleið 73% av einari álíkning. Við ársenda 2023 verður nettoskuldin væntandi 51,5 mió.kr. svarandi til 90,9% av einari álíkning.

INNTØKUR:  
Persónsskattur 51.721.600
Aðrar inntøkur 13.432.000
  65.153.600

 

ÚTREIÐSLUR:  
Rakstur 53.251.000
Rentustuðul 800.000
Rentur av lánum 954.700
  55.005.700
Íløgur 24.810.000
Hall -14.662.100
  65.153.600

 

YVIRLIT YVIR RAKSTUR:   
Kommunal fyrisiting 5.307.000
Almannamál 16.991.200
Børn og ung 15.319.200
Undirvísing 5.450.900
Mentamál 2.840.300
Teknisk mál 4.574.000
Kommunal virki 2.768.400
  53.251.000

 

YVIRLIT YVIR ÍLØGUR:   
Bygningar 1.930.000
Frítíðarstova 2.800.000
Gøtuljós 100.000
Vegir 1.600.000
Vatn og kloakk 380.000
Vetrarfriðing 300.000
Havnaløg 700.000
Grønar orkuloysnir 2.000.000
Vinnuøki Innan Glyvur 3.000.000
Útstykkingarætlanir 2.000.000
Ítróttarhøll 10.000.000
  24.810.000

 

 

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
02. des 2022
Almenna byggisamtyktin góðkend
02. des 2022
Brævatkvøður til løgtingsvalið 8. desember
01. des 2022
Musikkskúla­konsert í nýggju forhøll skúlans
01. des 2022
Føroyskur dansur í pensionista­húsinum
01. des 2022
Jólasøla og loppu­marknaður á Høvdanum
01. des 2022
Guðstænasta og døgurði fyri eldri í Sjóvar kirkju
01. des 2022
Sjóvarjól
30. nov 2022
Nýggja frítíðarstovan tekur skap
Send boð til Sjóvar kommunu