Nú er aftur tíð at fara á Strandalegu. Tað er Missiónshúsið, sum annað hvørt ár skipar fyri Strandalegu. Í ár verður legan vikuskiftið 13. – 15. mars og legan er ætlað strandingum í øllum aldri.

Fyrireikingarnar eru farnar í gongd og vit ætla at seta eina spennandi skrá saman, har dentur verður lagdur á hugna og góðan felagsskap, samstundis sum vit eisini fáa eitt gott orð við á vegnum.

Setið vikuskiftið av og komið til Nesvíkar at njóta eitt hugnaligt vikuskifti saman.

Meiri kunning um tilmelding og skrá kemur heilt skjótt.