Møtt: Drós Ellingsgaard, Artur Johansen og Jóhan H. Funn
Umframt: Hans Anders Jacobsen
Skrivari: Bárður Danielsen
Klokkan: 17:00 – 18:45
Viðmerkingar: Varalimur (Artur) luttók á fundinum fyri Sandru L. Østerø, sum ikki fekk møtt.

Málslýsing: Stranda Kvøldskúli

Stranda kvøldskúli royndi eina talgilda tilmeldingarskipan til kvøldskúlan í vetur. Royndirnar vóru góðar, og ætlanin er at seta pening av til eina orduliga tilmeldingarskipan á fíggjarætlanini fyri 2026.

Tosað hevur eisini verið um at gera onnur átøk við kvøldskúlan, soleiðis at Stranda kvøldskúli lyftur seg upp á eitt hægri stig, og umstøðurnar hjá brúkarum og undirvísarum gerast betri.

Átøk vit hava tosað um:

• Gera leiðreglur fyri kvøldskúlan
• Betra um kvøldskúlaframsýningina
• Betri hølisviðurskiftini
• Tilmeldingarskipan

Avgerð: Nevndin ynskir at leiðreglur verða gjørdar fyri Stranda kvøldskúla. Umsitingin fyrireikar uppskot til leiðreglur til næsta fund.