Kommunustýrisfundur  15.08.2024
 
Møtt: Artur Johansen, Jóannes E. Markná, Steingrím Jacobsen, Rógvi R. Djurhuus, Hans Anders Jacobsen og
Súni F. Olsen
 
Skrivari: Jóhan Blábjørg
Klokkan: 17:00-17:30

Mál nr.: 541-2-2024, broyting í byggisamtykt á Hulki
Reist av: Sjóvar kommunu
Málslýsing: Broyting í byggisamtykt øki D á Hulki

Ætlanin er at broyta ein part av verandi D-øki til eitt nýtt økið sum kallast D3-økið, sum loyvir byggjan av goymslutangum.

Eisini vóru gjørdar nýggjar ásetingar.

Umhvørvisstovan (US) svaraði 18.06.2024, at broytingin ikki varð góðkend, tí  innsenda tilfarð ikki varð nøktandi, og neyðugt var hjá Sjóvar kommunu at lata málið ganga umaftur.

Sambært US, var gamla kunngerðin ikki nøktandi, tí hon ikki útgreinaði ásetingarnar fyri nýggja D3-øki, samstundis sum tað eisini var ógreitt, hvat kommunustýrið hevði samtykt hesum viðvíkjandi.

Nýggju ásetingarnar fyri D3-økið eru hesar:

§ 5 Ásetingar fyri øki D3: (Goymslutangar)

a)      Øki verður lagt av til goymslutangar við harat tengdum bunkringarbúnaði og rakstrarbygningum v.m

b)      Útstykking kann bert fara fram eftir góðkendari ætlan fyri alt økið

c)       Hægst loyvda byggistig er 0,8

d)      Hægst loyvda nýslustig verður víst til byggistig og hæddarásetingar.

e)       Marknafrástøða verður at avráða við byggimynduleikan.

f)        Eingin partur av byggingini má stinga hægri enn 20m upp um næst atliggjandi kaikant roknaður at liggja í kotu 2.0

Tøkni- og býarskipanarnevnin mælir til at leggja nýggja kunngerð fram til alment eftirlit at broyta ein part av D-økinum á Hulki á Strondum til D3-øki, vísandi til samtyktina á kommunustýrisfundinum 26.02.2024 
 
 
Avgerð: Samtykt at taka undir við tilmælinum frá Tøkni- og býarskipanarnevndini