Tíðindi

11. des 2023

Søkt verður eftir námsfrøðingi til Lítlafløtt

 

Námsfrøðingur til Dagstovnin Lítlafløtt

Søkt verður eftir námsfrøðingi at byrja 1. januar 2024, ella so skjótt til ber. Arbeiðstíðin er 35-40 tímar um vikuna.

Vit ynskja:
- at tú hevur hug og áræði at skapa ein fjølbroyttan og tryggan gerandisdag, við virðing og umsorgan fyri tí einstaka barninum
- at tú kanst taka ábyrgd og virka í góðum samstarvi við starvsfelagar og foreldur
- at tú ert nærverandi, kreativ/ur og at tær dámar væl at vera úti
- at tú sært møguleikar og avbjóðingar, sum eru í nærumhvørvinum
- at tú verður við til at mynda og menna okkara námsfrøðiliga umhvørvið
- at tú tosar væl føroyskt.

Vit bjóða:
- eitt sjálvstøðugt og áhugavert starv, har tú fært møguleika at gera tína ávirkan galdandi á einum stovni, har karmarnir inni og úti eru sera góðir
- eitt starv, har tú saman við dugnaligum starvsfeløgum, ert við til at menna tað námsfrøðisliga umhvørvi
- eitt starv, har trivnaður, umsorgan, nærvera og menning eru í hásæti

Setanarviðurskifti:
Løn sambært sáttmála millum Føroya Pedagogfelag og Kommunala Arbeiðsgevarafelagið.

Meira fæst at vita um starvið við at tosa við Sóleyð Debes Joensen, leiðara, á telefon 232747. Kunning um stovnin fært tú við at vitja heimasíðu okkara www.litliflottur.fo

Umsókn við avriti av prógvum og møguligum viðmælum, skulu vera okkum í hendi í seinasta lagi
27. desember 2023, kl. 12:00 og sendast til:

Dagstovnurin Lítlifløttur
Fløtuvegur 82
490 Strendur
ella á teldupost litliflottur@sjovar.fo

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
22. feb 2024
Kommunustýrisfundur 26.02.2024
22. feb 2024
Fundur í Tøkni- og býarskipanar­nevnd­ini 12.02.2024
21. feb 2024
Fíggjar­nevndarfundur 20.02.2024
20. feb 2024
Sjóvar kommuna raðfestir ungdómin
19. feb 2024
Sjónleikaraskeið
16. feb 2024
Missiónsvika 2024
16. feb 2024
Fundur í Vinnu- og Umhvørvis­nevnd­ini 15.02.2024
14. feb 2024
LINNANDI VIÐGERÐ TA SEINASTU TÍÐINA

Send boð til Sjóvar kommunu