Tíðindi

17. okt 2022

Myndir frá fjølmentanarligum tiltaki í bygdahúsinum

Leygardagin 15. oktober var eitt fjølmentanarligt tiltak í bygdahúsinum á Strondum. Tiltakið er liður í Fjølmentanarvikuni sum er dagarnar 14.-21. oktober. Skráin fyri Fjølmentanarvikuna sæst her.

Á tiltakinum vístu borgarar úr Sjóvar kommunu ættaðir úr øðrum londum fram ymiskt úr egnum heimlandi.

Bárður Danielsen bjóðaði vælkomin, áðrenn kórið "Silvitni" við Cinthiu Gonzáles Parada á odda framførdu nøkur løg.

Síðani hevði kroatiska Dijana Savic eina stutta framløgu um mentan og siðir úr heimlandinum.

Eftir hetta varð boðið inn í prýddu høllina, har eygu, oyru og smakkleykir fingu forvitnisligar og øðrvísi upplivingar. Her fingu øll vitjandi møguleika at royna mat úr ymsum matmentanum, meðan tey løgdu oyru til orð og tónar úr fjarskotnum londum. Fjølbroyttu smakkiroyndirnar umboðaðu fylgjandi lond: 

  • Kili
  • Peru
  • Kroatia
  • Turkalandi
  • USA
  • Japan
  • Tailand
  • Filippinunum

Sambært Útlendingastovuni búgva 43 tilflytarar úr 19 londum í Sjóvar kommunu - 26 konufólk og 17 mannfólk.

Niðanfyri síggjast nakrar myndir frá tiltakinum leygardagin.

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
17. nov 2026
Minnisøkið í Kolbeinagjógv
13. nov 2026
Kommunustýrisfundur 19. nov.
13. nov 2026
Lands­stýris­maðu­rin er sinnaður at viðgera málið um rundkoyring
12. nov 2026
Skatta­listin fyri 2025
10. nov 2026
Fíggjar­nevndarfundur 09.11.2026
09. nov 2026
Marknaðardagur í bygdahúsi­num 15. nov.
09. nov 2026
Lítlifløttur 20 ár
04. nov 2026
Sámuel bæði steypavinnari og føroyameistari

Send boð til Sjóvar kommunu