Missiónshúsið fer nú at lata hurðarnar upp fríggjakvøld frá kl. 21. Málbólkurin er í høvuðsheitum tey ungu, men ynskiligt er, at ung sum eldri koma á gátt.

Um undirtøka er góð, er ætlanin, at hetta verður eitt afturvendandi tiltak.

Soleiðis lýsir Missiónshúsið tiltakið:

Í morgin verður opið hús í kjallarinum í Missiónshúsinum.

Kom oman í kjallarin í missiónshúsinum í annaðkvøld, fríggjakvøldið kl 21.
Vit fara at hugna okkum saman, práta, spæla borðspøl og okkurt gott verður til góman

Mariann hevur eina andakt. Birita og John verða eisini við

Kom tú og ver við

Aldursmark: øll frá 7. flokki og uppeftir eru vælkomin.