Í dag byrjaði skúlin aftur eftir eina langa summarfrítíð. Fyri 11 børn var hetta ein heilt serstakur dagur, tí hetta var teirra allar fyrsti skúladagur.

Skúlastjórin, Hans Petur, bjóðaði teimum vælkomnum í Stranda skúla, og saman við lærarunum, ið koma at undirvísa hesum fittu børnum, var skipað fyri einari hugnaligari løtu fyri børnunum og foreldrum teirra.

Myndir av fittu næmingunum eru at síggja á heimasíðu skúlans, sum vit leinkja til her.

Í Stranda skúla ganga nú 146 næmingar, frá 1. til 10. flokk.