Tíðindi

18. sep 2020

Spæliplássið tikið í nýtslu í morgin

Arbeiðið at gera nýggja spæliplássið, ið Sjóvar kommuna í longri tíð hevur arbeitt við, er nú komið so mikið áleiðis, at tað er klárt at takast í nýtslu.

Spæliplássið liggur sunnanfyri Stranda skúla, og síðani leikurnar byrjaðu at koma upp fyri nøkrum vikum síðani, hava børnini staðið spent og bíðað eftir at sleppa at royna spæliplássið. Gummiundirlagið er nú komið á, og tí ynskja vit nú at taka spæliplássið í nýtslu, hóast onkrir snøklar eru eftir at gera í økinum rundan um leikurnar. Hóast spæliplássið liggur við Stranda skúla, og sjálvandi fer at verða nýtt av næmingunum har, er spæliplássið alment fyri øll allar tíðir á degnum.

Í morgin, leygardagin 19. september kl. 16:00, verður spæliplássið alment tikið í nýtslu. Borgarstjórin, Artur Johansen, sigur nøkur orð, og síðani sleppa børnini framat at royna spæliplássið. Kommunan bjóðar kaffi og okkurt til børnini.

Øll eru hjartaliga vælkomin.

21. okt 2020
Valevnislistar til kommunuvalið í Sjóvar kommunu
21. okt 2020
Val til eldraráðið hjá Roðanum
20. okt 2020
Vallistin til skúla­stýrisvalið liggur frammi
20. okt 2020
Sjóvarbrekkan stongd
13. okt 2020
Umbygging á Røktar- og Ellisheimi­num í Runavík
09. okt 2020
Endurvinn matleivdir við hús
09. okt 2020
Almenn svimjing mikudagin í heyst­frítíðini
06. okt 2020
Marknaðardagur 15. nov.
Send fyrispurning