Summartónar skipar fyri konsert í bio-salinum í bygdahúsinum á Strondum leygardagin 1. august kl. 16.00.

Feyd er duo, ið er mannað av klassiska saxofonistinum, Kristinu Thede Johansen og rytmiska guitaristinum, Ólavi Eyðunsson Gaard. Saman royna tey at kanna hvat fyri tónleikur kann koma burturúr, tá klassiski og rytmiski tónleikaheimarnir møtast. 

Kristina og Ólavur hava drúgvar royndir, og hava spælt nógvar konsertir bæði í Føroyum og úti í heimi. Í summar fara tey at spæla tónleik við íblástri úr Føroyska og norðurlendska sangskattinum.

Atgongumerki til konsertina fáast við dyrnar fyri kr. 100.