Kommunustýrisfundur 27.10.2025
Møtt: Hans Anders Jacobsen, Artur Johansen, Sonni Johansen, Noomi K. Rasmussen, Jóhan H. Funn, Sandra L. Østerø og Drós Ellingsgaard

Skrivari: Anna E. Joensen
Klokkan: 17:00-17:30

Mál nr.: 541-11-2025, broyting í byggisamtykt
Reist av: Hans Sofus Jacobsen 
Málslýsing: Søkt verður um at byggisamtyktin fyri matr. nr. 245 í Kolbeinagjógv verður broytt frá K-øki (landbúnaður) til G-øki (neystaøki)
Avgerð: Samtykt at broyta byggisamtyktina fyri part av matr. nr. 245 frá K-øki (landbúnaður) til G-øki (neystaøki) sum víst á korti.

Mál nr.: 546-1-2025, útbygging av havnalagnum á Hulki
Reist av: Sjóvar kommunu 
Málslýsing: Onnur viðgerð. Við fyrstu viðgerð varð samtykt at seta kr. 5,5 mió. av í 2025 á RS-751, sum skal regulerast av RS-655, vinnuøki. Restin av íløguni verður sett av á fíggjarætlanini fyri 2026.
Avgerð: Samtykt við aðru viðgerð at seta kr. 5,5 mió. av í 2025 á RS-751, sum verður regulerað av RS-655, vinnuøki. Restin av íløguni verður sett av á fíggjarætlanini fyri 2026.

Samtykt at taka av samlaða tilboðnum og seta arbeiðið í gongd. 

Mál nr.: 546-1-2025, útbygging av havnalagnum á Hulki
Reist av: Sjóvar kommunu 
Málslýsing: Á Fíggjarætlanini fyri 2025, eru kr. 200.000 avsettar til vatnveiting á Hulki.
Tekniski leiðari hevur gjørt eina kostnaðarmeting, og mælir til at arbeiði verður sett í gongd. Fíggjarnevndin mælir til at fylgja tilmælinum frá tekniska leiðara. Peningur er tøkur á RS-651. Lagt fyri kommunustýrið.
Avgerð: Samtykt at fylgja tilmælinum frá fíggjarnevndini. Peningur er tøkur á RS-651. Samtykt at seta arbeiðið í gongd. 

Mál nr.: 211-2-2025, fíggjarætlan 2026
Reist av: Sjóvar kommunu 
Málslýsing: Fyrsta viðgerð av fíggjarætlan fyri 2026.
Avgerð: Fyrsta viðgerð. Samtykt sambært uppskoti. Onnur viðgerð verður 27. november.