Tíðindi

06. des 2023

Stranda sjónleikarafelag endurstovna

Tann 23. novembur var kunningarfundur um ætlaninar at endurstovna Stranda sjónleikarafelag, og um undirtøka var fyri hesum.

Tá var gjørt av, at kalla inn til fund at endurstovna felagið skjótast gjørligt.

Hesin fundur bleiv hildin týskvøldið 5. desembur.

Væl av fólki var møtt til fundin at endurstovna Stranda sjónleikarafelag, sum var í bygdahúsinum á Strondum. 

Alexandur Johansen bjóðaði vælkomin, og var orðstýrari á fundinum. 

Fólk vóru spent at manna stjórn, so tað stóð ikki á at manna stjórnina.

Vald vóru:

Turið Dyssegaard forkvinna, Vár Hjørleivsdóttir Johansen næstforkvinna, Marjun á Fríðriksmørk skrivari, Jan í Giljum kassameistari og Nicolina í Lág Jøkladal stjórnarlimur.

Tiltakslimir eru Hansa Olsen og Marita á Fríðriksmørk.

Svenn Berg sum hevur haft ábyrdina av felagnum síðani stjórnin legði frá sær fyri gott 20 árum síðani, takkaði fyri seg, og ynskti nýggju nevndini til lukku. 

Sjóvar kommuna gleðist um, at stjórn aftur er vald til felagið, og ynskir felagnum blíðan byr.

 

 

 

 

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
22. feb 2024
Kommunustýrisfundur 26.02.2024
22. feb 2024
Fundur í Tøkni- og býarskipanar­nevnd­ini 12.02.2024
21. feb 2024
Fíggjar­nevndarfundur 20.02.2024
20. feb 2024
Sjóvar kommuna raðfestir ungdómin
19. feb 2024
Sjónleikaraskeið
16. feb 2024
Missiónsvika 2024
16. feb 2024
Fundur í Vinnu- og Umhvørvis­nevnd­ini 15.02.2024
14. feb 2024
LINNANDI VIÐGERÐ TA SEINASTU TÍÐINA

Send boð til Sjóvar kommunu