Tíðindi

11. jul 2023

Torgið í Heygsstøð

Sjóvar kommuna hevur tikið stig til at seta eitt sølutorg upp í Heygsstøð.

Torgið er ætlað øllum tykkum, sum hava hug at selja ella keypa matvørur. Hetta kann t.d. vera fiskur, kjøt, grønmeti, pylsur, súltutoy og annar matur. Bert hugflogið setir mørk.

Tað er MEST, sum hevur sniðgivið og gjørt søluborðið, og Hans Pauli Jacobsen, arbeiðsmaður hjá Sjóvar kommunu, hevur gjørt húsið og borðið at hagreiða matin á.

Fyri at fáa gongd á nýtsluna av Torginum hevur Sjóvar kommuna heitt á Rósing Thomsen at selja fisk har í dag. Rósing er til útróðrar í løtuni og verður aftur kl. 17. Í tí sambandi verður søla av feskum fiski í dag, 11. juli, frá kl. 17-18. Minnist til at hava reiðan pening við. Øll eru annars vælkomin framvið í dag at hyggja at Torginum.

Í fyrstu atløgu kunnu tit lýsa á "Strandingar á facebook" og aðrastaðni, tá tit ætla at selja. Um søluvirksemið tekur dik á seg, gera vit ein bólk á facebook til endamálið. Tað er frítt at selja, og ikki er neyðugt at boða kommununi frá. 

Vit vóna, at tit taka væl ímóti Torginum, og at virksemi javnan verður at síggja har. 

Myndir av Torginum síggjast niðanfyri.

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
28. mar 2025
Reisigildi á Hulki
27. mar 2025
Goymslutangar­nir fluttir
10. mar 2025
Myndarøð - oljutangar­nir koma á Hulk
17. nov 2024
Snældan 75 ára stovningardag
08. aug 2024
Íbúðarbygging á Strondum
03. jul 2024
Tær góvu lív - Myndir frá bókaframløgu
02. jul 2024
Elin Henriksen givin sum bókavørður á Stranda bókasavni
28. jun 2024
Ung í arbeiði

Send boð til Sjóvar kommunu