Eins og undanfarin ár hava næmingar við loknum 9. floks prógvi fingið møguleikan at arbeiða hjá kommununi.

Onkur hevur kanska sæð tey runt ymsastaðni í kommununi, har tey hava fríðkað um, málað, sligið, ruddað og gjørt ymisk onnur arbeiði.

Næmingarnir hava nú verið til arbeiðis í tvær vikur og sigast má, at nógv er komið av skafti. Í gjár var seinasti arbeiðsdagur hjá teimum, og tí vóru grillurnar hálaðar fram seinnapartin.

Niðanfyri síggjast nakrar myndir av teimum ungu í arbeiðshandskum. Tíverri eru ikki øll avmyndaði.

Sjóvar kommuna takkar ungdómunum fyri arbeiðsorkuna, tey hava lagt fyri dagin hesar tvær vikurnar, og ynskir teimum blíðan byr á lívsleiðini.