Stranda kvøldskúli hevði framsýning í Stranda skúla sunnudagin 24. apríl 2022.

Hans Petur Jacobsen, leiðari fyri Stranda kvøldskúla, bjóðaði gestunum vælkomnum, áðrenn Hans Anders Jacobsen, formaður í Trivnaðar- og Mentanarnevndini setti framsýningina. Aftaná rungaðu fagrir sangtónar frá Stranda Sangkóri, sum hevur verið partur av kvøldskúlaskránni í vetur. Hugaligt at Stranda Sangkór aftur er virkið, og vit gleða okkum til at hoyra meir til teirra.

Síðani var høvið komið hjá teimum vitjandi at njóta framsýningina afturvið einum góðum kaffimunni og leskiligari køku. Sum myndirnar vísa, er nógv komið burturúr í vetur.

Niðanfyri síggjast myndir frá setanini av framsýningini og myndir av sjálvari framsýningini.

Stranda kvøldskúli er nú farin í summarfrí. Herjað verður á aftur í heyst. Lýst verður nærri við skrá í september.