Tíðindi

17. feb 2022

Kathrina 25 ára starvsdag

Á starvsfólkafundi hjá Lítlafløtti, sum var týsdagin 8. februar 2022, handaði leiðarin, Sóleyð D. Joensen, Kathrinu G. Joensen blómutyssi og flott armbandsur, í samband við hennara 25 ára starvsdag. Sóleyð og borgarstjórin, Artur Johansen, hildu eisini røður fyri Kathrinu.

Í samfull 25 ár hevur Kathrina G. Joensen arbeitt við børnum í Sjóvar kommunu. Hon byrjaði sum dagrøktari tann 1. februar 1997 og helt fram í hesum starvi til dagrøktin bleiv niðurløgd í november 2006.

Tann 6. november 2006 lat dagstovnurin Lítlifløttur upp, og Kathrina hevur, frá fyrsta degi, verið í starvi sum hjálparfólk á stovninum.

Kathrina hevur arbeitt við flestu aldursbólkum, bæði í dagrøktini og á Lítlafløtti. Seinastu árini hevur hon arbeitt í vøggustovu.

Kathrina er álítandi, arbeiðssom, nærverandi og pliktuppfyllandi. Hon er altíð blíð og fyrikomandi og dugir sera væl at taka sær av børnunum. Eisini er hon ein sera góður starvsfelagi.

Vit takka Kathrinu fyri hennara innsats øll hesi 25 árini hon hevur starvast hjá okkum og ynskja henni hjartaliga tillukku við 25 ára starvsdegnum og alt tað besta í framtíðini. Vit vóna sjálvandi, at hon kann halda fram við sínum gerningi á Lítlafløtti í nógv ár afturat.

Sjóvar Kommuna

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
01. jun 2022
Nýggj hús reist við Hálsatjørn
28. mai 2022
Ruddingardagu­rin 2022 í myndum
27. mai 2022
Myndir frá grilling­ini við Lítlafløtt og spølum á vøllinum - Útivikan 2022
25. mai 2022
Myndir frá Krabba­veiðu á Kumlum - Útivikan 2022
24. mai 2022
Myndir frá gongutúri við frásøgu­fólki - Útivikan 2022
21. mai 2022
Útivikan skotin ígongd
09. mai 2022
Nýggj hús reist í Lágargerði
26. apr 2022
Flaggdagshaldið 2022 - Myndir og flaggrøðan
Send boð til Sjóvar kommunu