Upp til kommunuvalið 2020, bleiv dúgliga kjakast um, at Sjóvar kommuna brendi burturkast í grótbrotinum vestan fyri Tangan. Nývalda kommunustýrið viðgjørdi skipanina við burturkasti og báli í grótbrotinum, og gjørdi av, at hendan skipanin skuldu avtakast, og at okkara borgarar í framtíðini ikki kundu koyra burturkast at brenna í grótbrotið. Tað var allatíðina ætlanin, at tað bert var reinur viður, ið skuldi í grótbrotið, men tíverri vóru tað nógv, ið ikki føldu seg bundnan at hesi leiðreglu og tóku sær tað frælsi, at koyra dálkaðan við og eisini annað burturkast í grótbrotið. Hetta kann ikki góðtakast, og tí bleiv eisini avgerð tikin um at steðga við hesi skipan.

Sjóvar kommuna skal hervið boða okkara borgarum frá, at SKIPANIN VIÐ BURTURKASTI Í GRÓTBROTINUM ER AVTIKIN, og vit vilja heita á okkara borgarar um at lata burturkastið inn á bingjuplássinum á Hulki.

Vinaliga

Sjóvar kommuna