Leygardagin kom nýggi kappróðrarbáturin hjá Stráluni til Strendur. Tað er John Høgnesen, sum hevur bygt nýggja stásiliga 6 mannafarið.

Í næstum skal báturin pussast og lakkerast, soleiðis at hann verður klárur at taka í nýtslu til næsta kappróðrarár.

Sjóvar kommuna ynskir Ungmannafelagnum Stráluni hjartaliga til lukku við nýggja bátinum, og vóna vit, at nýggi báturin fer at roynast felagnum væl tey næstu nógvu árini.

Niðanfyri síggjast myndir frá løtuni leygardagin, har fólk høvdu møguleikan at síggja nýggja bátin.