Tíðindi
Gentur 12 og dreingir 14 steypavinnarar
Gentur 12 og dreingir 14 hjá St.Í.F. eru steypavinnarar í hondbólti. Hetta gjørdist greitt í vikuskiftinum, tá steypafinalurnar í hondbólti í øllum aldursbólkum vóru avgreiddar í høllini á Hálsi.
Genturnar hjá St.Í.F høvdu leikt seg í finaluna í b-bólkinum hjá gentum 12. Í finaluni leygardagin møttu tær H71c, og vunnu okkara gentur 12-10. Finalan var avbera spennandi, men okkara gentur drógu longra stráið, og kunnu tí kalla seg steypavinnarar.
Dreingirnir høvdu leikt seg í finaluna í b-bólkinum hjá dreingjum 14. Finalan hja dreingjunum varð leikt í gjár, sunnudagin, og okkara dreingir 28-26 ímóti ÍA. Dysturin var sera spennandi, og neyðugt varð við longdari leiktíð tvær ferðir, áðrenn okkara dreingir kundu kalla seg steypavinnarar.
Sjóvar kommuna ynskir gentunum og dreingjunum hjartaliga til lukku við steypasigrunum.
Felagsmyndir av glaðu steypavinnarunum síggjast niðanfyri.