Tíðindi

09. okt 2020

Endurvinn matleivdir við hús

Sjóvar kommuna fer nú eisini undir royndarverkætlanina at bjóða borgarum sínum møguleikan at endurvinna matloyvdir heima við hús.

Verkætlanin er eitt samstarv við IRF, og gongur hon út uppá, at borgarar fáa møguleikan at ogna sær eitt Bokashi-sett ókeypis.

Bokashi-settið inniheldur:

  • 2 bokashi-spannir v/ botnsíl, honk og loki
  • 2 kg av ger
  • 1 stempul
  • 1 máliskeið
  • 1 ílat til bokashi-vætu

Bokashi-spannurnar gera tað ómakaleyst hjá tær at skilja matleivdir frá tínum húsarhaldsburturkasti og gera títt egna sankutøð (kompost). Á henda hátt kanst tú vera við til at halda tilfeingið í matleivdunum í ringrás.

Meir kann lesast um bokashi her: www.irf.fo/bokashi

Ert tú áhugað/ur at at verða við í hesari verkætlan, skalt tú boða Sjóvar kommunu frá hesum við at skriva til sjk@sjovar.fo og viðmerkja, at tú vilt verða við í verkætlanini.

Í fyrstu atløgu hevur Sjóvar kommuna bílagt 40 Bokashi-sett, fyri at meta um, hvør tørvurin og áhugin hjá borgarunum er. 

Tey sum skrivað seg upp, fáa Bokashi-settið á einum kunningarfundi seinni í ár. Meir kunning um hendan fundin kemur seinni.

Heilsufrøðiliga Starvsstovan setir ymiskar treytir fyri at fyribyrgja smittuspjaðing, tá ein fæst við sankutøð úr køks- og matleivdum. Hesar ásetingar og aðrar upplýsingar um sankutøð eru at finna á heimasíðuni hjá Heilsufrøðiligu Starvsstovuni, les meira her.

Eisini er møguligt at innlima seg í føroyska facebook-bólkin "Bokashi sankutøð í Føroyum".

IRF hevur fingið umsett eina føroyska vegleiðing til Boksahi. Tak niður bokashi-vegleiðingina her.

Fyri at dáma og deila mást tú samtykkja nýtslu av kennifílum í bólkingini: "Betra um brúkaraupplivingina".
Broyt samtykki
18. sep 2025
Tilhaldið í Pensjónista­húsinum
18. sep 2025
Fundur í V&H 17/­9-2025
17. sep 2025
Tónleika-kafe við Tæn Afrika
17. sep 2025
Fundur í Tøkni- og býarskipanar­nevnd­ini 16.09.2025
14. sep 2025
Heimapartar frá grindini í Fuglafirði.
12. sep 2025
Handahornið - Kreativt hugnakvøld
12. sep 2025
Svimjihylu­rin stongdur
12. sep 2025
Kirkju­ráð­sval 4. nov.

Send boð til Sjóvar kommunu