Í gjár var bókaframløga í bygdahúsinum á Strondum. Bókin, ið løgd varð fram, var "Nú fækkast tey á gomlu Strandagøtu" eftir Ragnari Danielsen.

Nógv fólk var møtt til bókaframløguna, og eftirspurningurin eftir nýggju bókini var eisini sera stórur.

Artur Johansen, borgarstjóri, og Justinus Eidesgaard søgdu nøkur orð um bókina og høvundan, og systrarnar Elisabeth á Fríðriksmørk og Joan Sandursdóttir, við fylgispæli frá Fríðu Tummasardóttir Johannesen, sungu sera vakurt tveir sangir.

Til seinast hevði Jógvan Óli á Fríðriksmørk eina samrøðu við høvundan, Ragnar Danielsen, um viðurskifti, sum lesast kunnu um í bókini.

Tey, sum ikki høvdu møguleika at møta til tiltakið, men sum fegin vilja ogna sær bókina, kunnu í dag keypa bókina í bókahandlum.

Myndir frá bókaframløguni síggjast niðanfyri.

Vit ynskja Ragnari hjartaliga til lukku við bókini.