Tíðindi

30. aug 2019

Túgvan, Rókin og Reiðrið

Í gjár var móttøka í nýggju vøggustovunum á Lítlafløtti.

Artur byrjaði løtuna við at bjóða vælkomin, og síðani sungu børnini úr Dáastovu tríggjar sangir.

Síðan helt Pole J. Hansen, formaður í trivnaðarnevndini, røðu, har hann greiddi frá viðurskiftunum í samband við byggingina av vøggustovunum. Eisini takkaði hann øllum, sum hava verið knýtt at verkætlanini.

Sóleyð D. Joensen, leiðari á Lítlafløtti, helt eisini eina røðu og nam á sama hátt sum Pole við viðurskifti viðvíkjandi nýbyggingini og avgerðir, ið skulu takast í hesum sambandi. Sóleyð endaði løtuna við at avdúka nøvnini til tær nýggju, snotiligu vøggustovurnar, sum nú eita Túgvan, Rókin og Reiðrið. Navnakapping varð fyriskipað millum starvsfólki á Lítlafløtti, og Sigrið á Kinn Olsen átti vinnandi uppskotini. Vit halda, at nøvnini hóska sera væl til nýggju stovurnar.
Nógv fólk nýttu møguleikan at síggja nýggja bygningin, og vóru tey flestu sera væl nøgd við úrslitið.Vøggustovurnar verða tiknir í nýtslu mánadagin 02. sept. 2019. 

Myndir frá tiltakinum eru at síggja í myndasavninum.

03. mar 2020
Frítíðarkort­ini útflýggjaði
24. feb 2020
Myndir frá føstulávintstiltaki­num leygar­dagin
13. feb 2020
Skúlabørn skreiða
02. feb 2020
Nýggi parturin av kirkju­garði­num vígdur
17. des 2019
Jóla­tiltakið á Høvda heldur fram í kvøld
02. des 2019
Jólatræið tendrað 30.11.2019
08. nov 2019
Nýggj hús reist á Hálsagøtu
29. okt 2019
Helena og Astrid 40 ára starvsdag
Send fyrispurning