Í gjárkvøldið var summarsálmasangur í Sjóvar kirkju

Í ár høvdu fyrireikararnir valt at syngja løg hjá Ámundi Berthelsen, sum í mong, mong ár var einasti urguleikari í Sjóvar kirkju.
Ámundur, sum eisini var kórleiðari og gjørdi nógv løg, andaðist fyrr í ár, so hetta var eitt gott høvi hjá okkum at minnast hann við løgum, hann hevur ríkað okkara sálmaskatt við.
Tvey av børnunum hjá Ámundi og Jóhonnu, Annelisa og Ásbjørn, sungu fyri og Annelisa hevði eina andakt.
Tá liðugt var í kirkjuni varð boðið til drekkamunn í kirkjuhúsinum.

Myndir frá summarsálmasanginum síggjast niðanfyri