Í dag, fríggjadagin 27. juni, verður útihondbóltskapping á vøllinum við bygdahúsið á Strondum.

Tað er StÍF sum skipar fyri, og hondbóltsfeløg kring landið eru bjóðaði við til kappingina, sum er fyri dreingir og gentur í aldrinum U10 og U12. 21 lið eru tilmeldaði kappingina, sum byrjar kl. 13 og endar uml. kl. 20.

Tað verður skipað fyri kaffisølu, og tí liggur væl fyri at koma ein túr niðan á vøllin at hyggja og samstundis stuðla StÍF.