Kunngerð um framløgu av broyting í byggisamtykt

Sambært løgtingslóg nr. 13 frá 21. mai 1954, um býarskipanir og byggisamtyktir, sum seinast broytt við løgtingslóg nr. 31 frá 17. mars 2022, verður við hesum gjørt kunnugt, at uppskot til broyting í byggisamtykt fyri Sjóvar kommunu verður lagt fram til alment eftirlit á kommunuskrivstovuni frá hósdegnum 20 juni 2024 til hósdagin 10. juli 2024.

Broyting í byggisamtykt fyri Sjóvar kommunu:

Økið við Heimastagerði/ bátahylin við Heygsstøð er ætlanin at broyta soleiðis, at øki D (neystaøki) verður broytt til øki A (miðstaðarøki) (Sí kortið, matrikkul 501a og 427)

Endamálið við broytingini er, at gera miðstaðarøkið so, at tað passar til matrikklarnar í økinum, so økið betri kann gagnnýtast.

Møguligar viðmerkingar ella mótmæli, sum skulu vera skrivlig, verða at senda til:

Sjóvar kommunu
Skúlavegur 10
490  Strendur

ella: sjk@sjovar.fo í seinasta lagi mikudagin 31.juli 2024