Sólja Ernstsdóttir úr KÍ gjørdist ársins ungi leikari hjá kvinnum. Hon skifti í ár frá EB/Streym/Skála til KÍ og fekk sítt veruliga gjøgnubrot hetta kappingarárið. Sólja Ernstsdóttir skoraði 14 mál í 23 dystum. 

Poul Kallsberg úr Víkingi gjørdist ársins ungi leikari hjá monnum. Hann skifti í fjør frá Skála til Víking og er í dag ein av álopsprofilunum hjá Víkingi. Hann skoraði 14 mál í Betrideildini, og mánadagin varð hann fyri fyrstu ferð tikin út til landsliðið.  

Sólja og Poul eru bæði uppvaksin undir Torvbrekku á Strondum - nær við vøllin - og vit, sum búgva í umráðnum, hava síðani tey vóru heilt lítil, sæð tey spælt bólt á vegnum ella við bólti í hond á veg á vøllin ella heim av vøllinum. Tað sást tíðliga, at tey høvdu serlig evni til fótbóltsspæl, og tað undrar okkum ikki, at tey bæði nú eru kosin ársins ungu fótbóltsleikarar.

Hjartaliga til lukku við heiðrinum, tit bæði - og KOYR Á!